ਸੰਗਰਾਂਦ ਤੇ ਟੂ ਵੀਲਰ ਡੀਲਰ ਐਸੋਸੀਏਸ਼ਨ ਵੱਲੋਂ ਲਗਾਏ ਗਏ ਚਾਹ ਦੇ ਲੰਗਰ

टाकिंग पंजाब

ਜਲੰਧਰ। ਲਗਾਤਾਰ ਪੇ ਰਹੀ ਕੜਾਕੇ ਦੀ ਠੰਢ ਅਤੇ ਮਾਘ ਮਹੀਨੇ ਦੀ ਸੰਗਰਾਂਦ ਨੂੰ ਸਮਰਪਿਤ ਟੂ ਵੀਲਰ ਡੀਲਰ ਐਸੋਸੀਏਸ਼ਨ ਵੱਲੋਂ ਚਾਹ ਦੇ ਲੰਗਰ ਪੁਲੀ ਅਲੀ ਮਹੱਲਾ ਵਿਖੇ ਲਗਾਏ ਗਏ ਜਿਹੜੇ ਲੋਕ ਚਾਹ ਪੀ ਰਹੇ ਸਨ ਉਹ ਇਸ ਠੰਢ ਦੇ ਵਿਚ ਚਾਹ ਦੀ ਸੇਵਾ ਕਰਨ ਵਾਲਿਆਂ ਦਾ ਧੰਨਵਾਦ ਵੀ ਕਰ ਰਹੇ ਸਨ। ਇਸ ਮੌਕੇ ਤੇ ਬੋਲਦੇ ਹੋਏ ਐਸੋਸ਼ੀਏਸ਼ਨ ਦੇ ਪਰਧਾਨ ਤਜਿੰਦਰ ਸਿੰਘ ਪਰਦੇਸੀ, ਹਰਪ੍ਰੀਤ ਸਿੰਘ ਨੀਟੂ, ਬੌਬੀ ਬਹਿਲ ਅਤੇ ਵਿੱਕੀ ਸਿੱਕਾ ਨੇ ਕਿਹਾ ਵੈਸੇ ਅਸੀ ਹਰ ਸੰਗਰਾਂਦ ਤੇ ਇਹ ਸੇਵਾ ਕਰਦੇ ਹਾਂ ਪਰ ਇਸ ਠੰਢ ਵਿੱਚ ਸੇਵਾ ਕਰਕੇ ਵੱਖਰੀ ਹੀ ਖੁਸ਼ੀ ਮਿਲ ਰਹੀ ਹੈ।  ਅਸੀਂ ਇਸ ਠੰਢ ਮੌਕੇ ਤੇ ਲੋਕਾਂ ਦੇ ਕੰਮ ਆ ਸਕੇ ਹਾਂ। ਅਸੀਂ ਕੋਸਿਸ ਕਰਾਂਗੇ ਠੰਢ ਵਿੱਚ ਲਗਾਤਾਰ ਚਾਹ ਦਾ ਲੰਗਰ ਲਗਦਾ ਰਹੇ। ਉਨ੍ਹਾਂ ਕਿਹਾ ਕਿ ਮਨੁੱਖਤਾ ਦੀ ਸੇਵਾ ਕਰਨ ਵਿੱਚ ਹੀ ਖੁਸ਼ੀ ਹੁੰਦੀ ਹੈ ਅਤੇ ਸਾਨੂੰ ਸਾਰਿਆਂ ਨੂੰ ਹਮੇਸ਼ਾ ਮਨੁੱਖਤਾ ਦੀ ਸੇਵਾ ਲਈ ਅੱਗੇ ਆਉਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਸਿੱਖ ਤਾਲਮੇਲ ਕਮੇਟੀ ਮਨੁੱਖਤਾ ਦੀ ਸੇਵਾ ਲਈ ਹਰ ਤਰ੍ਹਾਂ ਨਾਲ ਤਿਆਰ ਹੈ। ਇਸ ਮੌਕੇ ਤੇ ਸੇਵਾ ਕਰਨ ਵਾਲਿਆਂ ਵਿੱਚ ਲੱਕੀ ਸਿੱਕਾ, ਮਨਪ੍ਰੀਤ ਸਿੰਘ ਬਿੰਦਰਾ, ਹਰਨੇਕ ਸਿੰਘ ਨੇਕੀ, ਗੁਰਮੀਤ ਸਿੰਘ ਭਾਟੀਆ, ਰਾਜਿੰਦਰ ਕੁਮਾਰ ਕੁੱਕੂ ਪ੍ਰਿੰਸ ਹਾਜਰ ਸਨ।